అన్నమయ్య

A commemorative postage stamp on
ANNAMACHARYA - 18th march 2004

పద కవితా పితామహుడు -వాగ్గేయకారుడు
తాళ్ళపాక అన్నమాచర్య గౌరవార్ధం 2004 మార్చ్ 18 న విడుదలైన ఐదు రూపాయల తపాల బిళ్ళ , ప్రత్యేక కవరు.

చందమామ రావే జాబిల్లి రావే అంటే వేంకటేశుడు ముద్దలు తిన్నాడో తినలేదో కానీ, తెలుగు పిల్లలు మాత్రము గబుక్కున తింటారు. జోఅచ్యుతానంద జో జో ముకుందా అంటే ముకుందుడు నిద్ర పోతాడో లేదో కానీ తెలుగు పిల్లలు మాత్రము హాయిగా నిద్ర పోతారు. అన్నమయ్య పాటలు తెలుగు సంస్కృతికి ప్రతిరూపాలు. అవి తెలుగు సంస్కృతిలో ఒక భాగమై పోయినాయి; జనాల నోళ్ళలో నాటుకొని పోయినాయి. తుమ్మెద పాటలు, గొబ్బిళ్ళ పాటలు, శృంగార గీతాలు, ఆధ్యాత్మిక పదాలు - ఇలా మొత్తము ముప్పై రెండు వేల పాటలు వ్రాసిన మన అన్నమయ్య కు ఈ తపాల బిళ్ళ ఒక నివాళి.