STAMPS OF ANDHRA

తోలు బొమ్మలాట పై విడుదలైన మినియేచర్  మన భారత తపాలాశాఖ 13-02-2026 న మన దేశంలో వివిధ ప్రాంతాలలో ప్రసిద్ధి చెందిన ఆట బొమ్మలు/కీలు బొమ్మలకు సంబంధించిన ఎనిమిది రకాల తపాలా బిళ్లలను, వాటికి సంబంధించిన నాలుగు మినియేచర్లతో పాటు ఒక షీట్ద లెట్ల ను విడుదల చేసింది. వీటిలో మన తెలుగు నాట ప్రసిద్ధి చెందిన ప్రాచీన కళ అయిన తోలు బొమ్మలాట కు స్థానం లభించింది.  Puppets of India - sheetlet

Andhra University centenary ఆంధ్ర విశ్వవిద్యాలయం శతాబ్ది ఉత్సవాల  సందర్భంగా మన తపాలా శాఖ 26-04-2026 న ఒక ప్రత్యేక తపాలా బిళ్ళ విడుదల చేశారు. తెలుగు వారి చిరకాల కోరిక మేరకు విజయవాడలో 1926 లో స్థాపించిన ఈ విశ్వవిద్యాలయం 1929లో  విశాఖ పట్నం కు తరలించబడింది. నేడు ఈ విశ్వవిద్యాలయం దేశ విదేశాలలో పేరు ప్రఖ్యాతులు ఆర్జించింది. ఆంధ్ర విశ్వవిద్యాలయ చిహ్నంలో ఉన్న తామరపుష్పం సిరి సంపదల దేవత  లక్ష్మీదేవి  చదువుల దేవత  సరస్వతీదేవి  ల ఆసనానికి గుర్తు. స్వస్తిక్  ముద్ర ఆర్యుల ఆశీర్వచనానికి గుర్తు. బయటి వృత్తంలో ఉన్న 64 తామర రేకులు  64 కళలకు గుర్తులు. చిహ్నంలో ఉన్న తేజస్వినావధీతమస్తు అనే వాక్యానికి " నీ దివ్యమైన కాంతితో మా జ్ఞానాన్ని పెంపొందించు " అని అర్ధం. చిహ్నంలో ఉన్న రెండు పాములు విజ్ఞానాన్ని పెంపొందించుకోవడానికి, కాపాడుకోవడానికి గుర్తులు. ప్రాచీన నాగ వంశీకులలో ఆంధ్రుల మూలాలు ఉన్నాయంటారు. ఆ విధంగా ఈ రెండు పాములు ఆంధ్రుల ప్రాచీన మూలాలను గుర్తుకు తెస్తాయి