Andhra University centenary ఆంధ్ర విశ్వవిద్యాలయం శతాబ్ది ఉత్సవాల సందర్భంగా మన తపాలా శాఖ 26-04-2026 న ఒక ప్రత్యేక తపాలా బిళ్ళ విడుదల చేశారు. తెలుగు వారి చిరకాల కోరిక మేరకు విజయవాడలో 1926 లో స్థాపించిన ఈ విశ్వవిద్యాలయం 1929లో విశాఖ పట్నం కు తరలించబడింది. నేడు ఈ విశ్వవిద్యాలయం దేశ విదేశాలలో పేరు ప్రఖ్యాతులు ఆర్జించింది. ఆంధ్ర విశ్వవిద్యాలయ చిహ్నంలో ఉన్న తామరపుష్పం సిరి సంపదల దేవత లక్ష్మీదేవి చదువుల దేవత సరస్వతీదేవి ల ఆసనానికి గుర్తు. స్వస్తిక్ ముద్ర ఆర్యుల ఆశీర్వచనానికి గుర్తు. బయటి వృత్తంలో ఉన్న 64 తామర రేకులు 64 కళలకు గుర్తులు. చిహ్నంలో ఉన్న తేజస్వినావధీతమస్తు అనే వాక్యానికి " నీ దివ్యమైన కాంతితో మా జ్ఞానాన్ని పెంపొందించు " అని అర్ధం. చిహ్నంలో ఉన్న రెండు పాములు విజ్ఞానాన్ని పెంపొందించుకోవడానికి, కాపాడుకోవడానికి గుర్తులు. ప్రాచీన నాగ వంశీకులలో ఆంధ్రుల మూలాలు ఉన్నాయంటారు. ఆ విధంగా ఈ రెండు పాములు ఆంధ్రుల ప్రాచీన మూలాలను గుర్తుకు తెస్తాయి
తపాల బిళ్ళ పై తెలుగు వెలుగులు : తెలుగు వారిలో తపాల బిళ్ళల సేకరణ లో అబిరుచి పెపొందించేందుకు, తెలుగు జాతి కీర్తి ప్రతిష్టలు తపాల బిల్లలపై ముద్రించేలా ఈ బ్లాగు తన వంతు సహాయ సహకారాలు అందిస్తుంది.