"తెలుగదేల యన్న దేశంబు తెలుగేను,తెలుగు వల్లభుండ తెలుగొకండ,
యెల్ల నృపులు గొలువ యెఱుగ వే బాసాడి,దేశ భాషలందు తెలుగు లెస్స"

Monday, 30 November 2015

మహా కవి గురజాడ

India Post Released one Commemorative postal stamp  on Great Telugu Poet and writer Gurajada Venkata Apparao  on his 151th Birth anniversary on   21 May 2013.
మన భారత తపాలా శాఖ మహా కవి గురజాడ వెంకట అప్పారావు గారి 151 వ జయంతి సందర్బంగా
 21-09-2013 న ఒక ప్రత్యేక తపాల బిళ్ళను విడుదల చేసింది. 
   
Gurajada Venkata Apparao

గురజాడ వెంకట అప్పారావు (జ. 21-09-1862 - మ. 30-11-1915)
దేశమంటే మట్టి కాదోయ్ - దేశమంటే మనుషులోయ్  
వట్టి మాటలు కట్టి పెట్టి గట్టి మేలు తలపెట్టవోయ్ 
అని వేలుగేత్తి చాటిన  తెలుగు జాతి వైతాళికుడు మహాకవి 
గాసట బీసట గాధలతో , గజిబిజి గా ఉన్న  గ్రాంధిక తెలుగు సాహిత్యాన్నిసామాన్యులకు చేరువచేసి భాషను సుసంపన్నం చేసిన గొప్ప సాహితీకారులలో గురజాడ ఒకడు. హేతువాది. 
19 వ శతాబ్దంలోను, 20 వ శతబ్ది మొదటి దశకంలోను ఆయన చేసిన రచనలు ఈనాటికీ ప్రజల మన్ననలనుపొందుతున్నాయి. రాశిలో తక్కువైనా, ఆయనవి వాసికెక్కిన రచనలు.
వ్యావహారిక భాషలో రచనలు చేయడం తప్పుగానూ, చేతకానితనం గాను భావించే ఆ రోజుల్లో ఆయన ప్రజలందరికీఅర్ధమయ్యే జీవ భాషలో రచనలు చేసాడు.

గురజాడ రచనల్లో కన్యాశుల్కం (నాటకం) అగ్రగణ్యమైనది.

Tuesday, 24 November 2015

ఆంధ్ర బ్యాంకు వ్యవస్థాపకుడు-శ్రీ పట్టాభి సీతారామయ్య

A Commemorative postage stamp on

Dr. PATTABHI SITARAMAYYA
17 -12-1997

డాక్టర్  భోగరాజు పట్టాభి సీతారామయ్య (1880 - 1957) ప్రముఖ   స్వాతంత్ర్య సమరయోధుడు,భారత జాతీయ కాంగ్రెస్ కు 1948 లో అధ్యక్షుని గా పనిచేసిన గాన్దేయ వాది .  ఆంధ్ర బ్యాంకు వ్యవస్థాపకుడు. భారత జాతీయోద్యమ సమయంలో ఉద్యమంలో చేరి మహాత్మా గాంధి అనుచరుడిగా కాంగ్రెస్‌లో ప్రముఖ స్థానం ఆక్రమించాడు. 1939 లో గాంధీజీ అభ్యర్థిగా కాంగ్రెస్ అద్యక్ష పదవికి పోటీపడి నేతాజీ చేతిలో ఓడిపోయిననూ,1948 లో తిరిగి కాంగ్రెస్ అద్యక్షులుగా గెలుపొందారు. ఆ తర్వాత పార్లమెంటు సభ్యుడిగా, మధ్య ప్రదేశ్ గవర్నర్ గా పనిచేశారు. తెలుగు భాషాబిమాని గా తాను స్థాపించిన ఆర్థిక సంస్థలలో ఉత్తర ప్రత్యుత్తరాలు తెలుగులోనే జరగాలని సూచించాడు. తెలుగు భాషకు, తెలుగు జాతికి ఎన్నో చిరస్మరణీయ సేవలను చేసారు.వీరి గౌరవార్దం 17 -12-1997 న ఒక ప్రత్యేక తపాల బిళ్ళను విడుదల చేసారు. 
Dr.Pattabhi Sitharamayyah- First day cover

Saturday, 7 November 2015

రైతుబంధు ఆచార్య యన్. జి. రంగా


A Commemorative postage stamp on
27-1-2001
Prof.N.G.RANGA
(7 November 1900 – 9 June 1995),

ప్రపంచ కర్షకులారా ఏకంకండి !
ఈ  నినాదానికి రూపశిల్పి ఆచార్య గోగినేని రంగనాయకులు ( యన్. జి. రంగా) . రైతు కూలీలకోసం ప్రత్యేకంగా ఉద్యమానికి శ్రీకారం చుట్టిన మహామనీషి. రైతుకూలీలరాజ్యం స్థాపనకోసం మహాత్మునితో సుదీర్ఘచర్చలను జరపడమే కాక, సంభాషణలసారాన్ని, 'బాపూ ఆశీస్సులూ ' అని గ్రంధస్థం చేసిన వ్యక్తి. గాంధీజీ స్వతంత్ర్యోద్యమంలో భాగంగా 1933 లో ప్రకటించిన క్లారియన్ పిలుపునందు కున్న స్వతంత్ర సమరయోధుడు. 1936లో కిసాన్ కాంగ్రేస్ పార్టీని స్థాపించిన ధైర్యశాలి. ఆరు దశాబ్దాలకాలం ప్రజాసేవ చేసిన ప్రజ్ణామూర్తి.
1900 సంవత్సరం నవంబర్ 7   గుంటూరు జిల్లాలోని నిడుబ్రోలు గ్రామంలో జన్మించిన రంగా, స్వగ్రామంలోనే ప్రాధమిక విద్యను అభ్యసించి. గుంటూరులోని ఆంధ్ర-క్రిష్టియన్ కాలేజీలో పట్టభద్రులవగా, 1926లో ఆక్స్ ఫర్డ్ విశ్వవిద్యాలయంలో, ఆర్ధికశాస్త్రంలో బి.లిట్. చేసి, మద్రాసులోని పచయప్ప కాలేజీలో ఆర్ధికశాస్త్రంలో ఆచార్యపదవిగా బహుళరాణింపుపొందిన ప్రముఖుడు.
గాంధీజీ పిలుపునందుకుని, స్వాతంత్ర్యోద్యమంలో చేరిన రంగా రాజకీయ ప్రవేశం చేసి, ఆ తరువాత కాంగ్రేసుని వీడి, స్వంతంగా భారత్ కృషికార్ లోక్ పార్టీని, సహకారవ్యవసాయానికి ఒక రూపకల్పన వహించిన రాజాజీతో స్వతంత్ర పార్టీని స్థాపించి, స్థాపకాధ్యక్షుడుగా ఎన్నికైన రంగా, దశాబ్దకాలంపాటు అదే పదవిలో రాణించాడు. 1957-62 నుంచి 1989-1991 వరకు, కొద్ది కాలం తప్పితే, నిరాఘాటంగా, పార్లమెంట్ లో రాజకీయప్రతినిధిగా రాణించిన రైతుబంధు, రాజకీయరారాజు, ఆచార్య గోగినేని రంగనాయకులు. 
ప్రజాప్రతినిధిగా పార్లమెంట్లో సుధీర్గకాలము నిస్వార్దంగా సేవలనందించినందుకు ప్రపంచఘనతలు చాటిచెప్పే గిన్నీస్ బుక్ అఫ్ వరల్డ్ రెకార్డ్స్ పుటల్లోకి ఎక్కిన మన తెలుగు వెలుగు ఆచార్య యన్.జి.రంగా గారు.
1946 లో కోపెంహజెన్ లో జరిగిన ఆహార వ్యవసాయ సంస్థ సభల్లో భారతీయ ప్రతినిధిగాను, 1948 లో సాన్ ఫ్రాన్సిస్కో లో జరిగిన అంతర్జాతీయ కార్మిక సంస్థ సభల్లోను, 1952 లో ఒట్టావా లో జరిగిన కామన్వెల్త్ పార్లమెంటరీ సమావేశంలో పాల్గొనడం, 1952 లో న్యూయార్క్ లో జరిగిన అంతర్జాతీయ రైతు సంఘం లో ప్రాతినిధ్యం, 1955 లో టోక్యో లో జరిగిన ప్రపంచ ప్రభుత్వ ఆసియన్ కాంగ్రేస్ సమావేశాల్లోను, తన ప్రతిభాప్రాతినిధ్యాన్ని అందించి భారతీయతకు, రాజకీయానికి, రైతులసమస్యలను, సంక్షేమాన్ని నొక్కి వక్కాణించిన నిస్వార్ధ ప్రతిభామూర్తి యన్. జి.రంగా గారు.

రైతాంగానికి వీరు చేసిన  విశిష్టసేవలకు తార్కాణంగా, ఆంధ్రప్రదేశ్ వ్యవసాయ విశ్వవిద్యాలయం ను 'ఆచార్య యన్.జి.రంగా వ్యవసాయ విశ్వవిద్యాలయం'గా నామకరణ చేసారు. 1991 లో భారత ప్రభుత్వం వీరికి  పద్మ విభూషణ్ పురస్కారం ఇచ్చి గౌరవించింది. 


 రైతుబంధువుగా ఆచార్య రంగా చేసిన సేవలు నిరుపమానమైనవి.
ఆచార్య యన్.జి.రంగా గారి చిరస్మరణీయ సేవలకు గుర్తింపుగా భారతీయ తపాలాశాఖ వారు,27th జనవరి 2001 లోఒక ప్రత్యేక స్మారక తపాళాబిళ్ళను విడుదల చేశారు.



Monday, 2 November 2015

Third Africa-India Forum Summit

 India Post released a Set of Six commemorative stamps and Miniature Sheets on Third Africa-India Forum Summit (AIFS-III) at New Delhi on 29th October, 2015.