"తెలుగదేల యన్న దేశంబు తెలుగేను,తెలుగు వల్లభుండ తెలుగొకండ,
యెల్ల నృపులు గొలువ యెఱుగ వే బాసాడి,దేశ భాషలందు తెలుగు లెస్స"

Sunday, 22 December 2013

గుర్తింపు లేని నీలం సంజీవరెడ్డి శత జయంతి

భారతదేశపు ఆరోవ రాష్ట్రపతిగా 1977-1983 వరకు పనిచేసిన శ్రీ నీలం సంజీవ రెడ్డి(1913-1996) గారి శత జయంతి ని గుర్తించని కేంద్ర ప్రభుత్వం దేశ రాజధానిలో మన తెలుగు వారిని  మరో సారి కించపరిచింది. రాష్ట్రపతి గా ఏకగ్రీవంగా ఎన్నికై  రెండు సార్లు మన రాష్ట్ర ముఖ్యమంత్రి గా పనిచేసి  రెండు పర్యాయాలు లోకసభ స్పీకర్ గా పనిచేసిన వ్యక్తి  శ్రీ నీలం సంజీవరెడ్డి. వారి శత జయంతి ని మన రాజధాని ఢిల్లీ లో తలుచుకున్న నాధుడే లేడు. 

మన రాష్ట్రపతులు గా పనిచేసి పదవి విరమణ చేసే రోజున వారి గౌరవార్దం తపాలా బిళ్ళ ను విడుదల చేయటం కుడా ఒక సాంప్రదాయం గా ఉంది. 
1962 లో రాష్ట్రపతిగా పదవి విరమణ చేస్తున్న బాబు రాజేంద్ర ప్రసాద్ కు, 1967 లో సర్వేపల్లి రాధాకృష్ణన్ కు 1974 లో వి.వి గిరి గారికి ఈ సాంప్రదాయాన్ని బట్టి తపాలా బిళ్ళలు వేసింది. అలాగే రాష్ట్రపతులుగా పనిసేస్తూ మరణించిన జాకీర్ హుస్సేన్ , పక్రుద్దిన్ అలీ అహమ్మద్ కు వెను వెంటనే తపాలా బిళ్ళలు వేశారు.
ఆ తరువాత కాంగ్రెసేతర రాష్ట్ర పతి గా ఉన్న నీలం సంజీవ రెడ్డి కి తపాలా బిళ్ళను వేయకుండా (ఇందిరా గాంధీ) ఈ సంప్రదాయానికి స్వస్తి చెప్పింది. ఇది కాంగ్రెస్ మార్క్ రాజకీయం. రాష్ట్రపతిగా ఏకగ్రీవంగా ఎన్నికైన ఏకైక వ్యక్తి, మన తెలుగు వాడు నీలం సంజీవరెడ్డికి మరణాంతరం కుడా ఇంత వరకు తపాలా బిళ్ళ విడుదల చేయలేదు . ఈ శతజయంతికి అయినా వారికి తపాలా బిళ్ళ విడుదల చేస్తారని ఆశించిన వారికి తపాల శాఖ  తన మొండి చెయ్యి చూపించింది. రాష్ట్ర ప్రభుత్వం కుడా మిన్నకుండి ఇదేదో అంతపురం జిల్లా విషయం అని తేల్చి చేతులు కడుగుకుంది. 
జాతీయ స్థాయి ప్రాముఖ్యత లేని విషయాలలో స్థానిక పరిస్థితుల నేపద్యం లో ఒక ప్రత్యక తపాలా కవర్ మన స్వంత డబ్బులతో విడుదల చేయటం మామూలు విషయం. దాని క్రింద  మన తపాల శాఖ 19-5-2013 న అనంతపూర్ లో ఒక ప్రత్యేక తపాల కవర్ ను విడుదల చేసి చేతులు దులిపేసుకుంది. 
Special postal cover on  Dr.Neelam Sanjeeva Reddy 




 నీలం సంజీవ రెడ్డి- కర పత్రం 

Saturday, 21 December 2013

ఇండియా -జపాన్ మైత్రి బంధం ... కుతుబ్ మినార్ - టోక్యో టవర్

India Post released a 20 rupees Miniature stamp  on the Visit of Emperor Akihitho  and Empress Michiko  of Japan on 5th December 2013. The miniature sheet shows Qutub Minar and Tokyo Tower 
Qutub Minar and Tokyo Tower
జపాన్ దేశ రాజు రాణి మన దేశానికి వచ్చిన సందర్బం గా మన తపాలా శాఖ  5-12-2013 న ఒక మినిఎచర్ షీట్ ని విడుదల చేసింది.  ఇలా ప్రముఖులు దేశ సందర్శన కు వచ్చినపుప్పుడు వారి గౌరవార్దం వారి చిత్రాలతో  తపాలా బిళ్ళలు విడుదల చేయటం చాలా దేశాలలో ఉంది. కాని మన దేశం లో వ్యక్తుల ప్రీతి కొరకు ఇప్పటి వరకు తపాలా బిళ్ళలు విడుదల చేయలేదు. ఇదే తొలిసారి. జపాన్ రాజు రాణి చిత్రాలు కాకుండా ఇండియా -జపాన్ మైత్రి బంధం గా దీనిపై కుతుబ్ మినార్ ,టోక్యో టవర్ చిత్రాలు ముద్రించారు.  

Wednesday, 27 November 2013

కంచరపార మరియు జమలపూర్ రైల్వే వర్క్ షాప్స్

India Post released a New Set of  Two Stamps and one Miniature sheet for Railway Workshops - Kanchrapara and Jamalpur " on 26th November 2013.
తూర్పు రైల్వే పరిధి లో ఉన్న కంచరపార మరియు జమలపూర్ లో ఉన్న రైల్వే వర్క్ షాప్స్ కు 150 ఏళ్ళు నిండిన సందర్బంగా 26 - 11 -2013 న మన తపాల శాఖ రెండు తపాల బిళ్ళలు ఒక మినియెచర్ ను విడుదల చేసింది.

                                         Railway Workshops - Kanchrapara ,Jamalpur 

Saturday, 16 November 2013

జీవించి ఉన్న వారికి తపాలా బిళ్ళలు- సచిన్ కొరకు సడలించిన నియమం

చాలా దేశాలు జీవించి ఉన్నప్రముఖు వ్యక్తులకు వారి గౌరవార్దం తపాల బిళ్ళలు విడుదల చేస్తుంటాయి.
ఇదే కోవలో మన తపాలా శాఖ కుడా ఇంతకు ముందు కొన్ని సందర్బాలలో జీవించి ఉన్న వారికి తపాలా బిళ్ళలు విడుదల చేసింది. మనకు స్వతంత్రం సిద్దించిన తరువాత మహాత్మా గాంధీజీ కి బ్రతికి ఉండగానే తపాలా బిళ్ళ విడుదల చేయాలనుకొన్నా వారు వెంటనే హత్య కు గిరి కావటం వల్ల అది కార్య రూపం చెందలేదు. 
Dr. M. VISWESVARAYA(15-9-1960)
నూరు ఏళ్ళు జీవించిన ప్రముఖ వ్యక్తులకు తపాలా బిళ్ళలు విడుదల చేయటం ఒక ఆనవాయితీగా వచ్చింది .

ఈ కోవలో  1958 లో తొలి సారి దేశంలో మహిళా విద్యకు బీజం వేసిన  మహర్షి , భారత రత్న Dr D. K. కార్వే గారికి వారి 100 వ జన్మ దినాన (మరణం 1962లో)ఒక తపాల బిళ్ళ , అలాగే  ప్రముఖ ఇంజనీర్ భారత రత్న మోక్షగుండం విశ్వేశ్వరయ్య గారికి వారి 100 వ జన్మ దినం సందర్బంగా 1960 లో (మరణం 1962లో)  ఒక తపాల బిళ్ళను విడుదల చేసింది. 
1980 లో అమెరికా నివాసి, సంఘ సేవకరాలు లక్నో లిటరసీ హౌస్ స్థాపించిన  వెల్ది ఫిషర్ 100 వ జన్మ దినం కు(మరణం 1980లో)ఒక తపాలా బిళ్ళ ను విడుదల చేసింది.
ఆ తరువాత  నిండునూరు ఏళ్ళు జీవించిన గొప్ప వ్యక్తులు లేక ఆ సంప్రదాయం మళ్లీ రాలేదు.



DR.D.K.KARVY(18-4-1958)


WELTHY FISHER(18-3-1980)


అలాగే  1979 లో నోబుల్ ప్రైజ్ అందుకున్న సందర్బంగా 1980 లో  మదర్ తెరిసా కి కూడా ఒక తపాలా బిళ్ళను విడుదల చేసి విమర్శల పాలైంది. ఆ తరువాత ఆమె మరనాతరం మరో మూడు తపాలా బిళ్ళలు విడుదల చేసింది. 
MOTHER TERESA (27-8-1980)



















రాష్ట్రపతి కి తపాల బిళ్ళతో వీడుకోలు 
మన రాష్ట్రపతులు గా పనిచేసి పదవి విరమణ చేసే రోజున వారి గౌరవార్దం తపాలా బిళ్ళ ను విడుదల చేయటం కుడా ఒక సాంప్రదాయం గా ఉంది. 
1962 లో రాష్ట్రపతిగా పదవి విరమణ చేస్తున్న బాబు రాజేంద్ర ప్రసాద్ కు, 1967 లో సర్వేపల్లి రాధాకృష్ణన్ కు 1974 లో వి.వి గిరి గారికి ఈ సాంప్రదాయాన్ని బట్టి తపాలా బిళ్ళలు వేసింది. అలాగే రాష్ట్రపతులుగా పనిసేస్తూ మరణించిన జాకీర్ హుస్సేన్ , పక్రుద్దిన్ అలీ అహమ్మద్ కు వెను వెంటనే తపాలా బిళ్ళలు వేశారు.
ఆ తరువాత కాంగ్రెసేతర రాష్ట్ర పతి గా ఉన్న నీలం సంజీవ రెడ్డి కి తపాలా బిళ్ళను వేయకుండా (ఇందిరా గాంధీ) ఈ సంప్రదాయానికి స్వస్తి చెప్పింది. రాష్ట్రపతి తో సహా జీవించి ఉన్న వారికి ఇకపై తపాల బిళ్ళలు విడుదల చేయకూడదను కున్న నియమాన్నిపెట్టుకుంది . 
Centenary of Indian National Congress-portraits of Congress Presidents
28-12-1985
ఆ తరువాత ఇక ఎట్టి పరిస్థితులలోను జీవించి ఉన్న వ్యక్తులకు తపాల బిళ్ళలు విడుదల చేయమని చెప్పారు. అయితే 1985 లో మరోసారి అలవాటులో పొరపాటుగా కాంగ్రెస్ పార్టీ 100 వసంతాలు జరుపుకుంటున్న సందర్బంగా ఆ పార్టీకి అధ్యక్షులగా పనిచేసిన 61 మంది వ్యక్తుల బొమ్మల తో నాలుగు తపాలా బిళ్ళలు విడుదల చేసింది. అప్పటికి బ్రతికి ఉన్న కాసు బ్రహ్మానంద రెడ్డి , సంజీవ రెడ్డి ,శంకర్ దయాళ్ శర్మ వంటి వారితో పాటు  చివరి బొమ్మ అప్పటి కాంగ్రెస్ అధ్యక్షుడు రాజీవ్ గాంధీ చిత్రాలను ఒక తపాలా బిళ్ళ వచ్చింది . ఈ తపాలా బిళ్ళ తో మరల విమర్శలు వచాయి .
ఆ తరువాత మరల ఇప్పటివరకు మన తపాలా శాఖ జీవించి ఉన్నవారికి తపాలా బిళ్ళ వేయలేదు. 
సచిన్ కొరకు సడలించిన నియమం 
 క్రికెట్ క్రీడ నుండి నిష్కక్రమిస్తున్న సాచి టెండూల్కర్ కొరకు తపాల శాఖ తన పాత నిర్ణయాన్ని మార్చుకుంది.  తపాలా శాఖ ( కేంద్ర ప్రభుత్వం) అతి ఉత్సాహం తో ఆగమేఘాల మీద (2013 లో విడుదల చేసే తపాలా బిళ్ళలను 2012 లోనే నిర్ణయిస్తారు) సచిన్ కు ఒకటి కాదు ఏకంగా రెండు తపాలా బిళ్ళలు వాటితో పాటు ఒక మినిఎచర్ ఒక షీట్ లేట్ విడుదల చేసింది. సాదారణంగా వ్యక్తుల కు 5 రూపాయల విలువగల  3 లక్షలు తపాలా బిళ్ళలు విడుదల చేస్తారు. కాని సచిన్ కు రెండు రకాల 20 రూపాయల తపాలా బిళ్ళ లు ,ఒక్కోటి 30 లక్షల చొప్పున వెరిసి 60 లక్షలు విడుదల చేశారు. వీటి తో పాటు 24 లక్షల 40 రూపాయల విలువగల మినియెచర్లు, 16 లక్షల 320 రూపాయల విలువగల షీట్ లెట్ (16 స్టాంప్స్ ) ను విడుదల చేసారు . సచిన్ పై ఉన్న అభిమానాన్ని వ్యాపారంగా చేసుకోవటానికి మన తపాల శాఖ ఇంత వెలతో తపాల బిళ్ళలు విడుదల చేసింది . 
SACHIN TENDULKAR (14-11-2013)
 ఈ విషయం లో మన తపాలా శాఖ (ప్రభుత్వం) మరల విమర్శకులకు పని కల్పించింది. క్రికెట్ అనేది నేడు ఒక వ్యాపార క్రీడ. కోట్లాది డబ్బు దిని చుట్టూ తిరుగుతుంది.  ఈ వ్యాపారం లో తన వంతుగా తపాల బిళ్ళలు అమ్మి  (కొన్ని చిన్న దేశాలు తపాల బిళ్ళలు అమ్ముకొని డబ్బు సంపాదిస్తాయి )డబ్బు గడించాలనే తపాల శాఖ  వైఖరి నిజంగా గర్హనీయం. 

Thursday, 14 November 2013

Children's Day - 2013

India Post released a stamp  on 14th November 2013 to celebrate Children's Day
Children's Day - 2013

ప్రతి సంవత్సరం నవంబర్ 14 న నెహ్రు గారి జయంతి ని మన జాతీయ బాలల దినోత్సవంగా జరుపుకుంటున్నాం. ప్రతి బాలల దినోత్సవానికి మన తపాలా శాఖా వారు ఒక ప్రత్యేక తపాలా బిళ్ళను విడుదల చేస్తారు. దానిపై మన బాల,బాలికలకు దేశ వ్యాప్తంగా ఒక అంశం పై చిత్ర లేఖన పోటి లు నిర్వహించి వాటిలో ప్రధమ స్థానం పొందిన చిత్రాన్ని ఈ తపాల బిళ్ళ పై ముద్రిస్తారు. 
అలాగే ఈ ఏడాది  తపాల శాఖ వారు నిర్వహించిన చిత్ర లేఖన పోటిలో ప్రధమ బహుమతి పొందిన చిత్రాన్ని  బాలల దినోత్సవం  14-11-2013న ప్రత్యక తపాలా బిళ్ళ గా  విడుదల చేసారు. 

సచిన్ టెండూల్కర్ కి అరుదైన గౌరవం - తపాలా శాఖ ( కేంద్ర ప్రభుత్వం) అతి ఉత్సాహం

India Post released two postal Stamps and one miniature sheet, one Sheet let  On 14th November 2013, to honor Sachin Tendulkar, on veiw of his 200th test match at Mumbai. 
Sachin Tendulkar - miniature sheet
మన తపాలా శాఖ వారు అభిమాన క్రికెట్ క్రీడాకారుడు  సచిన్ టెండూల్కర్ కి అరుదైన గౌరవం తో సత్కరించారు . మన దేశం లో జీవించి ఉన్న ఎ క్రీడా కారునికి దక్కని గౌరవం ఒక్క సచిన్ కె దక్కింది. 
200 వ టెస్ట్ మ్యాచ్ ఆడుతూ  క్రికెట్ నుండి రిటైర్ అవుతున్న సందర్బం గా 14-11-2013 న సచిన్ టెండూల్కర్ పై రెండు తపాలా బిళ్ళలు (Rs 20/-), ఒక మినిఎచర్, ఒక షీట్ లెట్ ను విడుదల చేసారు. మన తపాలా శాఖ సాదారణంగా జీవించి ఉన్న వ్యక్తులకు తపాల బిళ్ళ విడుదల చేయదు. ఈ సంప్రదాయాన్ని పక్కన పెట్టి సచిన్ కు తపాలా బిళ్ళలు విడుదల చేసి తమకు క్రికెట్ పిచ్చి ఉందని ప్రపంచానికి చాటుకుంది. 


Sachin Tendulkar -  sheet let

Wednesday, 13 November 2013

భారతీయ విద్య భవన్

India Post released a stamp on 7th November 2013 to commemorate 75 years of Bharatiya Vidya Bhavan, which was set up by Dr. K.M Munshi in 1938

Bharatiya Vidya Bhavan and Dr. K.M.Munshi
భారతీయ విద్య భవన్ స్థాపించి 75 వసంతాలు పూర్తి చేసుకున్న సందర్బంగా మన భారత తపాలా శాఖ 7- 11- 2013 న ఒక ప్రత్యక తపాలా బిళ్ళను విడుదల చేసింది.దీనిని 1938 లో గాంధీజీ సహకారం తోస్వాతంత్ర సమర యోదుడు శ్రీ కే యం  మున్షీ  గారు స్థాపించారు . "Let noble thoughts come to us from every side" అనే ఋగ్వేద సూక్తం తో ఇది మన దేశం లో విద్య సేవ చేస్తుంది. 
Dr. K.M.Munshi - Stamp Issued in 1988

నేడు దేశవ్యాప్తంగా అనేక ప్రాంతాలలో భారతీయ విద్యాభవన్ పేరుతో 100 పైగా విద్యాలయాలు నడపబడుచున్నాయి. మన రాష్ట్రం లో కుడా 14 చోట్ల భారతీయ విద్య భవన్ వారి విద్యాలయాలు ఉన్నాయి . వాటి వివరాలు -
  • Bharatiya Vidya Bhavan's International Residential Public School - Vidyashram - Bhimavaram
  • Bhavan's Vidyashram - Guntur
  • Bhavan's Atmakuri Rama Rao School - Hyderabad
  • Bhavan's Vidyalaya - Hyderabad
  • Bharatiya Vidya Bhavan's Public School - Vidyashram, Hyderabad 
  • Bhavan's Vidyashram - Hyderabad
  • International Residential Public School - Rajahmundry
  • Bhavan's Varalakshmi Vidyashram - Rajam
  • Bhavan's Public School - Ramachandrapuram, Hyderabad
  • Bhavan's Kamala Rani Sanghi Public School - R.R. District
  • Bhavan's Sri Ramakrishna Vidyalaya - Sainikpuri
  • Bhavan's Residential Public School - Tadepalligudem
  • Bhavan's Sri Venkateshwara Vidyalaya - Tirupati
  • The Primary School, Visakha patnam 

Friday, 1 November 2013

భాక్ర డ్యాం - దేశ సేవలో 50 వసంతాలు

India Post released a stamp depicting the Bhakra Dam on 22nd October 2013 to celebrate 50 years of its glorious service of the Nation
Golden Jubilee of Bhakra Dam
భాక్ర డ్యాం సట్లేజ్ నది పై హిమాచల్ ప్రదేశ్ లోని బిలాస్పూర్ లో నిర్మించ బడినది.  ఆధునిక దేవాలయం గా నెహ్రు గారిచే కీర్తించబడిన భాక్ర డ్యాం  225.25 మీ ఎత్తు తో మన దేశం లోఎత్తేయిన ఆనకట్టలలో  రెండోవ స్థానం లో ఉంది. దీనికి దిగువన మరో ఆనకట్ట నంగల్ లో ఉంది. ఈ రెంటిని కలపి భాక్రా నంగల్ ఆనకట్ట గా ప్రసిద్ది చెందినవి .
1955 లో మొదలు పెట్టి 1963 లో నిర్మాణం పూర్తి చేసుకొన్న ఈ బహుళార్దక ఆనకట్ట 50 ఏళ్లుగా మన దేశానికి ఉపయోగ పడుతున్నది.  ఈ  స్వర్ణోత్సవ వేళ మన తపాలా శాఖ 22-10-2013 న ఒక ప్రత్యక తపాలా బిళ్ళ ను విడుదల చేసింది.  ఇంతకు ముందు కుడా ఈ డ్యాం పై రెండు తపాల బిళ్ళలు విడుదల చేసారు. 

A Definitive stamp on Bhakra dam - 15-3-1967

Silver Jubilee of Bhakra dam - 15-12-1988

Sunday, 20 October 2013

అమరజీవి పొట్టి శ్రీరాములు

India post issued a Commemorative postage stamp on freedom fighter, social worker Amarajivi POTTI SRIRAMULU on 16 - 3 - 2000
POTTI SRIRAMULU
ఆంధ్ర రాష్ట్ర అవతరణ కొరకు ఆమరణ నిరాహారదీక్ష చేసి, ప్రాణాలర్పించి, అమరజీవి యైన మహాపురుషుడు, పొట్టి శ్రీరాములు (1901-1952) ఆంధ్రులకు ప్రాత:స్మరణీయుడు. భాషాప్రయుక్త రాష్ట్రాల ఏర్పాటుకు కారణభూతుడైనవాడు. మహాత్మ గాంధీ బోధించిన సత్యము, అహింస, హరిజనోద్ధరణ అనే ఆశయాలకొరకు జీవితాంతం కృషిచేసిన మహనీయుడు.స్వతంత్ర సమర యోధుడు
ప్రత్యేక ఆంధ్ర రాష్ట్ర సాధన కొరకు మద్రాసులో1952 అక్టోబర్ 19 మహర్షి బులుసుసాంబ మూర్తి గారి ఇంట్లో నిరాహారదీక్ష ప్రారంభించాడు.56 రోజులు నిరాహార దీక్ష చేసి 1952 డిసెంబర్ 15 న పొట్టి శ్రీరాములు, ఆంద్ర రాష్ట్ర ఆశయసాధనలో ప్రాణాలర్పించి అమరజీవి అయ్యాడు.
అమరజీవి పొట్టి శ్రీరాములు
గారి గౌరవార్దం తపాల శాఖ వారు 16 మార్చ్ 2000 లో ఒక ప్రత్యేక తపాల బిళ్ళను విడుదల చేసారు.

FDC -POTTI SRIRAMULU

Wednesday, 16 October 2013

Two Special Covers released at Hyderabad

50 Glorious Years in Wild Life - Nehru Zoological Park , Hyderabad 
 A Special Cover released by India Post on 06.10.2013.
Diamond Jubilee of Begumpet Air Force Station (1953-2013)-  Hyderabad 
A Special Cover released by Army postal service on 08.10.2013.

Saturday, 12 October 2013

దైవ కణం గురించి ప్రతిపాదించిన సత్యేంద్రనాథ్ బోస్


India Post released a stamp on Satyendranath Bose on 1-1-1994. 
 Satyendranath Bose (1894-1974)
మన దేశం గర్వించదగిన శాస్త్రవేత్త లలో సత్యేంద్ర నాద బోసు ఒకరు. వారి శతజయంతి సందర్బంగా మన తపాలా శాఖ 1-1-1994 న ఒక ప్రత్యేక తపాలా బిళ్ళ విడుదల చేసింది . వారు బౌతిక శాస్త్రం లో చేసిన కృషి నేడు పరోక్షంగా నోబెల్ బహుమతికి నోచుకుంది. 
2013 సంవత్సరానికి ఫిజిక్స్ లో నోబెల్ ప్రైజ్  దైవ కణం గురించి ప్రతిపాదించిన పీటర్  హిగ్స్,ఇంగ్లర్ట్ లకు లభించింది.1964 లో వీరితోపాటు రాబర్ట్ బ్రోట్  కూడా ఉన్నారు తరువాత  పీటర్ర్ హిగ్స్ విశేష పరిశోధన చేసారు వీరితొ  పాటు కార్ల్ హెగెన్,గెరాల్డ్, టామ్ కిబ్ల్ కూడా దీని ఉనికిని ప్రతిపాదించారు.

           ఈ  నోబెల్ బహుమతి లో  గమనించాల్సిన ముఖ్య విషయమమేమంటే మన దేశానికి చెందిన ప్రసిద్ద శాస్త్రవేత్త, పద్మ విభూషణ్ సత్యేంద్రనాథ్ బోస్ చేసిన కృషి. ఈ దైవ  కణం ఉనికిని 1926  ప్రాంతంలోనే వారు ప్రతిపాదించారు. ఈయన పేరుతోనే దీనికి బోసాన్ అనిపేరు వచ్చింది. ఈ కణం నుండే సృష్టిలోని గ్రహాలూ,నక్షత్రాల వరకు సమస్త పదార్దానికి ద్రవ్యరాశి చేకూరుతుంది.  స్విట్జర్లాండ్ లోని సెర్న్ ప్రయోగశాల శాస్త్రవేత్తలు ఈ కణం ఉనికి నిజమని నిరూపించారు.

అహింసా మూర్తికి ఘన నివాళి - One more Souvenir Sheet On Gandhiji

India Post released New Souvenir Sheet on the occasion of  "Philately day 2013" on 12th October 2013. The Souvenir Sheet Shows two stamps of Mahatma Gandhi Issued by India Post in 1948 (12A) and 1969 (75)
Souvenir Sheet – Philately Day – Mahatma Gandhi
మన తపాలా బిళ్ళల లో  సింహ భాగం మహాత్మా గాంధీ పైనే విడుదల చేసారు. తపాలా బిళ్ళల సేకరణలో మహాత్మా గాంధీజీ తపాలా బిళ్ళ లకు ఒక ప్రత్యేక గుర్తింపు ఉంది . ప్రపంచ వ్యాప్తంగా అనేక దేశాలు ఈ అహింసా మూర్తిని తమ తపాలా బిళ్ళ ల పై ముద్రించి గౌరవించాయి. వీటిని సేకరించటానికి పలు దేశాలలో తపాల బిళ్ళ ల సేకరణ దారులు తహతహ లాడుతుంటారు. పాత తపాల బిళ్ళలు అందరికి అందుబాటులో ఉండటానికి ఇలా ప్రత్యేక స్మారక తపాలా చిత్రం ( Stamps on Stamp) విడుదల చేస్తారు.   
తపాలా బిళ్ళల సేకరణ దినోత్సవం సందర్బం గా 12-10-2013 న మన తపాలా శాఖ ఒక సావనీర్ షీట్ ( స్మారక తపాలా చిత్రం) విడుదల చేసింది. దిని పై మాహాత్మ గాంధీ చిత్రం తో పాటు 1948 లో విడుదలైన 12 అణాల గాంధీ తపాలా బిళ్ళ ,1969 లో విడుదలైన 75 పైసల గాంధీ తపాలా బిళ్ళలు ఉండేలా 20 రూపాయల తపాలా బిళ్ళ ను రూపొందించారు. దిని వెనుక 1969 లోనే విడుదల అయిన ఒక రూపాయి తపాలా బిళ్ళ రేఖా మాత్రం గా కనిపిస్తుంది.  అహింసా మూర్తికి  ఘన నివాళి  

Saturday, 21 September 2013

ఎట్టకేలకు గురజాడకు తపాల బిళ్ళ

India Post Released one Commemorative postal stamp  on Great Telugu Poet Gurajada Venkata Apparao  on his 151th Birth anniversary on   21 May 2013.
మహా కవి శ్రీ గురజాడ వెంకట అప్పారావు గారికి తపాల బిళ్ళ విడుదల చేయాలన్న అభిమానుల కోరిక నెరవేరింది.  అనేక విన్నపాల తరువాత ఎట్టకేలకు మన భారత తపాలా శాఖ గురజాడ వెంకట అప్పారావు గారి 151 వ జయంతి సందర్బంగా  21-09-2013 న ఒక ప్రత్యేక తపాల బిళ్ళను విడుదల చేసింది. 
Gurajada Venkata Apparao
మన ప్రభుత్వ అధ్వర్యంలో నిరుడు గురజాడ 150వ జయంతి ఉత్సవాలు చాలా ఖర్చు పెట్టి  హడావుడిగా చేసారు. అప్పుడు నిర్వహాకులకు ముందు చూపు, సరైన ప్రణాళిక లేక గురజాడ వారి 150 వ జయంతికి  తపాల బిళ్ళను  విడుదల చేయించలేక పోయారు. కేవలం ఒక ప్రత్యేక తపాలా కవరు మాత్రమే విడుదల చేసారు.
ఆలస్యంగా నైనా "దేశమంటే మట్టి కాదోయ్ , దేశమంటే మనుషులోయ్ " అని చాటిన  మన గురజాడకు ఘనంగా తపాలా బిళ్ళ విడుదల  చేసి ఆ మహనీయునికి  దేశవ్యాప్త గుర్తింపు కలుగచేస్తున్నందులకు సంతోషం.

Sunday, 15 September 2013

Engineers' Day - మోక్షగుండం విశ్వేశ్వరయ్య


A Commemorative postage stamp on
15-09-1960
BHARATHA RATNA Dr.MOKSHAGUNDAM VISVESWRAYA

భారత రత్న సర్ మోక్షగుండం విశ్వేశ్వరయ్య (1860-1962) బెంగుళూరు దగ్గర్లో ఉన్న ముద్దినేహళ్ళి అనే గ్రామంలో ఒక పేద కుటుంబంలో పుట్టారు. దాదాపు మూడు వందల సంవత్సరాల క్రితం వారి పూర్వికులు ఆంధ్ర నుండి మైసూరు ప్రాంతం వలసపోవటం జరిగింది. మైసూరు మహారాజు వారి ఆర్థికసహాయంతో పూనాలో ఇంజనీరింగు చదివి, 1884 లోబొంబాయిలో ప్రభుత్వ ఇంజనీరుగా ఉద్యోగం సంపాదించారు. ఆ ఉద్యోగంలో ఆయన బొంబాయి పట్టణ అభివృద్దికి అపారమైన సేవలదించారు.
హైదరాబాద్ కు వరదలు వచ్చినపుడు సర్ M.V. నిజాం నవాబు ఆహ్వానంపై హైదరాబాదు వచ్చి రెండు రిజర్వాయరులు నిర్మించి, పట్టణ డ్రైనేజి పధకం తయారు చేసి, ఏడు నెలలలో కార్యక్రమం పూర్తిచేసి నవాబుగారి ప్రశంసలు అందుకున్నారు. అనంతరం విశ్వేశ్వరాయ మైసూరు మహారాజు వారి అభ్యర్థనపై ఆస్థానంలో చీఫ్ ఇంజనీరుగా చేరి, అనేక నిర్మాణాత్మక పనులు చేపట్టి, విజయవంతంగా పూర్తి చేసి 1912లో దివాన్ గా పదవీ బాధ్యతలు స్వీకరించారు. విశ్వేశ్వరాయలోని క్రమశిక్షణ, పనియందు గౌరవాభిమానాలు, నిజాయితీ గురించి ఆ రోజుల్లో ఎంతో గొప్పగా చెప్పుకునేవారు. రోజుకు పద్దెనిమిది గంటలు పనిచేస్తూ, మనసా, వాచా, త్రికరణశుద్దిగా రాష్ట్ర సర్వతోముఖాభివృద్దికి పాటుపడిన ఆ మహవ్యక్తికి, మైసూరు మహరాజు శ్రీ కృష్ణరాజ వడియార్ ఒకసారి రెండులక్షలరూపాయలు బహుమానంగా ప్రకటించినప్పుడు దానికి సమాధానంగా 'నాకు ఖర్చులు లేవు. నేను చేసిన పనికి సరిపడినంత జీతం మీరిస్తున్నారు. ఇంకా వేరే బహుమతి ఎందుకు ఆ సొమ్మును దేశ అభివృద్దికి ఖర్చుపెట్టండి' అని అన్నారు. ఒకసారి తన స్వంత పని మీద యూరపు వెళ్ళవలసి వచ్చినప్పుడు బ్యాంకులో అప్పు తీసుకోబోగా, బ్యాంకు మేనేజరు వడ్డీ తగ్గించబోయారు. దాంతో ఆయన మండిపడి 'ఏం నేను అందరి మనుషుల్లాంటివాడినికానా? నాకు ఎందుకు ఈ తగ్గింపు? ఇలా అయితే నాకు మీ అప్పే అవసరంలేదు. మరొకరి దగ్గరకు వెళతాను' అన్నారు.
ఆయన మైసూరు రాష్ట్రప్రగతిలో మరపురాని పాత్ర వహించారు. కృష్ణరాజసాగర్ డ్యాం నిర్మాణం, మైసూరు యూనివర్శిటీ స్థాపన, మైసూరు బ్యాంకు స్థాపన, ఆయన కృషివల్లనే జరిగాయి. పనినే దైవంగా భావిస్తూ, సత్ప్రవర్తన, నిజాయితీ వ్యక్తిగత క్రమశిక్షణ గల శ్రీ విశ్వేశ్వరాయకు భారత ప్రభుత్వం అత్యంత ప్రతిష్టాకరమైన 'భారత రత్న' బిరుదునిచ్చి సత్కరించగా, దేశంలోని ఎనిమిది విశ్వవిద్యాలయాలు గౌరవ డాక్టరేట్ ను ఇచ్చి వారిని గౌరవించాయి.
విశ్వేశ్వరయ్య గారి శతజయంతి రోజున భారత తపాల శాఖ వారు ఒక ప్రత్యేక తపాల బిళ్ళను విడుదలచేశారు. శతవసంతాల నిండు జీవితాన్ని గడిపి ,జీవించి ఉండగానే తన తపాల బిళ్ళను చూసుకున్న ధన్య జీవిమన విశ్వేశ్వరయ్య. 1962 ఏప్రిల్ 14న స్వర్గస్థులైన భారతరత్న డాక్టర్ మోక్షగుండం విశ్వేశ్వరాయ జీవితాన్ని ఆదర్శంగా తీసుకొని వారి జయంతిని, సెప్టెంబర్ 15 ప్రతి సంవ్సరం ఇంజినీర్స డే (Engineers' Day)గా జరుపుకుంటారు.

Wednesday, 11 September 2013

Wild flowers of India

India Post released as set of 12 stamps and three miniature  sheets  in the occasion of Asian Pacific Postal Union Congress , held at New Delhi on 3rd September 2013 
All the 12 stamps are issued on theme of 'Wild flowers of India'


Miniature sheets of Wild flowers of India




Saturday, 24 August 2013

మై స్టాంప్ - వ్యకిగత తపాలాబిళ్ళ

తపాల బిళ్ళ పై సాదారణంగా జాతీయ నాయకులు, ప్రసిద్ది పొందిన కవులు,కళాకారులు, క్రీడాకారులు బొమ్మలు మాత్రమే ఉంటాయి . అయితే కొద్దిగా మార్పు తో సామాన్యులు సైతం తమ బొమ్మను (బ్రతికి ఉన్నప్పుడే) తపాలా బిళ్ళ పై చూచుకునే అవకాశం వచ్చింది. తపాలా బిళ్ళల సేకరణ పై అభిరుచి పెంచటానికి మన తపాలా శాఖ 'My Stamp'  పేరుతో తొలిసారి 2011 లో డిల్లీ లో జరిగిన అంతర జాతీయ తపాలా బిళ్ళల ప్రదర్శన లో వ్యకిగత తపాలా బిళ్ళలు విడుదల చేసింది. దానికి కొనసాగింపుగా భారత తపాలా శాఖ 23-8-2013 నుండి విజయవాడ లో కొత్తగా' మై స్టాంప్ ' (నా తపాలాబిళ్ళ) పేరుతో వ్యక్తుల అభీష్టం మేరకు వారు కోరుకున్న చిత్రం తో తపాలా బిళ్ళలు విడుదల చేయాటానికి శ్రీకారం చుట్టింది. తమ బొమ్మతో 5 రూపాయల విలువగల 12 తపాలా బిళ్ళల గల ఈ మై స్టాంప్ షీట్ ను  300 రూపాయలకు విజయవాడ ప్రధాన తపాలా కార్యాలయం లో పొందవచ్చు. 17 రకాల తపాలా బిళ్ళల కాంబినేషన్ తో ఈ 'మై స్టాంప్' షీట్స్ లబిస్తాయి. ఏదైనా ఒక ప్రభుత్వ గుర్తింపు పత్రం మరియు పోటో తీసుకొని వెళ్లి ఈ తపాలా బిళ్ళను పొందవచ్చు. 
మై స్టాంప్ నమూనా చిత్రం 

Wednesday, 14 August 2013

జై హింద్ -15 ఆగష్టు 1947

మనకు స్వాతంత్ర్యం వచ్చిన తరువాత మొదటి సారిగా తపాల బిళ్ళను 1947 నవంబర్ 21 న  విడుదల చేసారు.
దానిపై మన  జాతీయ జండా తో పాటు ' జై  హింద్' అనే నినాదం హిందీలోను  -15 AUG 1947 అని ముద్రించ బడినాయి.
ఆ తరువాత డిసెంబర్ 15 న మరో రెండు తపాల బిళ్ళలు ముద్రించారు. వాటిపై మన జాతీయ చిహ్నం (సారానాథ్ లోని  అశోక స్థంబం పై ఉన్న నాలుగు సింహాల బొమ్మ) మన స్వేచ్చకు గుర్తుగా నింగిలో విహరించే విమానం ముద్రించ బడినాయి.  
 INDIAN NATIONAL FLAG
DATE OF ISSUE :21 -11 -1947 
National Emblem of India -The Lion Capital of Asoka 
DATE OF ISSUE :15 -12 -1947 
Indian  Airplane.
DATE OF ISSUE :15 -12 -1947   

Wednesday, 17 July 2013

కడప లో తపాల బిళ్ళలు మరియు నాణెలు ప్రదర్శన

NUPHILEX -KADAPA , 26,27,28 JULY 2013
  

GNPS - (Guntur Numismatic and Philatelic Society) గుంటూరు వారి నిర్వహణతో 2013 జూలై 26,27,28 తేదిలలో కడప పట్టణం  లో తపాల బిళ్ళలు మరియు నాణెలు ప్రదర్శన జరుగుతుంది.
కడప లోని TTD  కళ్యాణ మంటపం, మద్రాస్ రోడ్ లో  మూడు రోజుల పాటు జరిగే ఈ ప్రదర్శనలోఅరుదైన  వివిధ దేశాల తపాలా బిళ్ళలు మరియు నాణెలు, కరెన్సీ నోట్లు ప్రదర్శించ బడతాయి. ప్రవేశం ఉచితం.ఈ సందర్బంగా పాటశాల విద్యార్దులకు వివిధ అంశాలలో పోటీలు కుడా నిర్వహిస్తున్నారు. తపాలా బిళ్ళలు, నాణేల సేకరణ కర్తల కొరకు  స్టాంప్స్ మరియు కాయిన్ డీలర్స్ 20 పైగా స్టాల్ లు ఏర్పాటు చేసినట్లు GNPS  కార్యదర్శి శ్రీ ప్రసాద్ తెలియ జేస్తున్నారు. 

Monday, 10 June 2013

శ్రీలంక తపాలా బిళ్ళ పై స్వామి వివేకానంద

స్వామి వివేకానంద 150 వ జయంతి సందర్బంగా శ్రీలంక  తపాలా శాఖ వారికి ఘన నివాళి గా 7-6-2013 న ఒక  ప్రత్యేక తపాలా బిళ్ళను విడుదల చేసింది.
Swami Vivekanda - Sri Lanka

Swami Vivekanada-Sri Lanka- Fdc
వివేకానందునికి నివాళిగా ఇంతకు ముందు కుడా శ్రీలంక ప్రభుత్వం15-01-1997 లో  ఒక తపాలా బిళ్ళను విడుదల చేసింది. 
Swami Vivekanada- Visit to Sri Lanka

Swami Vivekanada- Visit to Sri Lanka- FDC
మన తపాల శాఖ వారు ఇంతకు ముందు స్వామి వివేకానంద పై వివిద సందర్బాలలో విడుదల చేసిన
 తపాలా బిళ్ళల ను చూడటానికి ---  స్వామి వివేకనంద-1 , swami vivekanda-2

Thursday, 30 May 2013

Centenary Celebrations of First Andhra Conference

On the occation of the centenary celebrations of First Andhra Conference (`Pradhama Andhra Mahasabha’) India Post released a Special Postal cover  on 24-5-2013 at the historic Town Hall ,at Bapatla, Andhra Pradesh. 
Union Minister of State for Petroleum and Natural Gas Panabaka Lakshmi inaugurated the event by hoisting a flag and released a Special Postal Cover marking the historic event.
ప్రధమాంధ్ర మహాసభ - శతాబ్ది ఉత్సవాలు
1913 లో బాపట్ల లో 'ఆంద్ర  మహాసభ' తొలి సమావేశం జరిగింది. దానిని పురస్కరించుకొని ప్రధమాంద్ర మహాసభ - శతాబ్ది ఉత్సవాలు బాపట్ల లోజరిగిన సందర్బం గా మే 24 , 2013 న మన తపాలా శాఖ(విజయవాడ) ఒక ప్రత్యక తపాలా కవర్ ను విడుదల చేసింది.
ఈ ప్రత్యేక కవర్ పై ప్రధమాంద్ర మహాసభ లోగోను దానిపై  క్యాన్సిలేషన్ కొరకు ఆంధ్ర మహాసభ జరిగిన బాపట్ల టౌన్ హాల్ చిత్రం తో ప్రత్యక తపాలా ముద్ర ను రూపొందించారు
ప్రత్యేక తపాల కవర్ విడుదల చేస్తున్న కేంద్ర మంత్రి పనబాక లక్ష్మి  తదితరులు 
బాపట్ల-టౌన్ హాల్ 
తెలుగు వారికి ఒక ప్రత్యక రాష్ట్రం కావాలనే కోరికకు బాపట్లలోనే అంకురార్పణ జరిగింది. బాపట్లలో జిల్లా కాంగ్రెసు సభ ముగిసిన మరుసటిరోజు అనగా 1913 మే 26న తొలి సారిగా  ఆంధ్ర మహాసభ బాపట్లలో జరిగింది. ఆంధ్రోధ్యమానికి బీజం పడింది.  ఆంధ్రుల స్వరాష్ట్ర వాంఛకు బాపట్ల  మహా సభలో రూపు రేఖలు దిద్దుకున్నాయి . ఆంధ్రుల హృదయాలలో మోసులెత్తిన భాషా అభిమాన, చైతన్యాలకు బాపట్ల ముత్యాల పందిరి వేసింది . తెలుగువారి వ్యక్తిత్వం ,ఆంధ్రభాషా గుర్తింపు కోసం కృషి చేయాలన్న పూనిక జరిగింది . పర్యవసానంగా ఆంద్ర రాష్ట్రం, ఆంద్ర విశ్వవిద్యాలయం, ఆతరువాత ఆంద్ర ప్రదేశ్ అవతరించాయి.
ఆనాడు వివిధ ప్రాంతాల నుండి మొత్తం 800 మంది ప్రతినిధులు, రెండువేల మంది సదస్యులు ఈ సభలకు హాజరయ్యారు. వందేమాతరం తో మొదలైన ఈ  సమావేశ కార్యక్రమాలు ఆసాంతం తెలుగులోనే నిర్వహించారు. అప్పటి మద్రాసు రాష్ట్రశాసన మండలి సభ్యులు శ్రీ బయ్యానరసింహేశ్వర శర్మ ఈ సభకు అధ్యక్షులుగా వ్యవహరించారు. 
ముట్నూరు ఆదినారాయణ , పింగళి వెంకయ్య , భోగరాజు పట్టాభి సీతారామయ్య, అయ్యదేవర కాళేశ్వరరావు, ముట్నూరి కృష్ణారావు, వల్లూరు సూర్యనారాయణ చిలకమర్తి లక్ష్మినరశింహం, గంటి వెంకటరామయ్య, ఉన్నవ లక్ష్మీనారాయణ, వేమవరపు రామదాసు పంతులు, న్యాపతి సుబ్బారావు, గుత్తి కేశవపిళ్ళే , పూసపాటి వెంకటపతిరాజు, మోచెర్ల రామచంద్రరావు, సి. వి. నారాయణరావు, వెంకటరమణారెడ్డి వంటివారు అనేకమంది ప్రముఖులు ఈ మహాసభలో పాల్గొన్నారు.

Sunday, 12 May 2013

అంతరించి పోతున్న అడవి గాడిదలు

గుజరాతు లో కుచ్చ్  ప్రాంతం లో ఉన్న ఘోర్ ఖర్, లడక్ లో సంచరించే కయాంగ్ జాతి గాడిదలు మన దేశం లోఅంతరించి పోతున్న అడవి గాడిదలు. వీటిని కాపాడటానికి ప్రభుత్వం కృషి చేస్తుంది. 
భారత తపాలా శాఖ 10-5-2013 న వీటి పై రెండు తపాలా బిళ్ళలు(Rs5/- ,Rs20/-) మరియు ఒక మినిఎచర్ ను విడుదల చేసింది. 
అడవి గాడిదల పాటు మన దేశ వాళీ గాడిదలు కుడా త్వరలో కనుమరుగై స్థితి లో ఉన్న పరిస్థితులలో వీటిని సంరక్షించు కోవలిసిన భాద్యత పర్యావరణ పరిరక్షకులందరి పైన ఉంది.  



India Post released a set of 2 stamp and Miniature Sheet on the  endangered Indian Wild Ass of Kutch and Ladakh on 10th May 2013. 
The Stamps depict the Kiang ( Ladakh) and Ghor Khar ( Kutch, Gujarat) Ass on the face value of Rs.5/- and Rs.20/- stamps.

Wild Ass of Kutch and Ladakh -M.S 
Wild Ass of Kutch and Ladakh- Fdc